22-Feb-2024

ଭୁବନେଶ୍ୱର,୨୨.୨.୨୪(ଭାପ୍ର)ଈଟିଭି ଭାରତର ଭିଡିଓ ଜର୍ଣ୍ଣାଲିଷ୍ଟ ମନୋରଞ୍ଜନ ସାହୁ  ଙ୍କ ବିୟୋଗରେ ଶୋକ ବ୍ୟକ୍ତ କରିଛି ଓଡିଶା ସାମ୍ବାଦିକ ସଂଘ । ଭୁବନେଶ୍ୱର ର ଆଜି ଏନେଇ  ଡଟକମ  ଠାରେ ଏକ ଶ୍ରଦ୍ଧାଞ୍ଜଳି ସଭା କରାଯାଇଥିବା ବେଳେ ତାଙ୍କର ଅମର ଆତ୍ମାର ସତଗତି  କାମନା କରିଛନ୍ତି  ଉପସ୍ଥିତ ସାମ୍ବାଦିକ,ଭିଡିଓ ଜର୍ଣ୍ଣାଲିଷ୍ଟ ବା କ୍ୟାମେରାମାନ । ଶ୍ରଦ୍ଧାଞ୍ଜଳି ଅର୍ପଣ ସହ  ତାଙ୍କ ସହ  ବିତାଇ ଥିବ ସମୟକୁ  ମାନେ ପକାଇ ଭାବ ବିହ୍ୱୋଳ ହୋଇଥିଲେ ସମସ୍ତ । ଗଣମାଧ୍ୟମ ଜଗତର ଉପସ୍ଥିତ  ସହଯୋଗୀମାନେ ତାଙ୍କର ସ୍ମୃତିଚାରଣ  କରିଥିବା ବେଳେ କାନ୍ଦି ପକାଇଥିଲେ ପୁରା ପରିବେଶ ହୋଇଥିଲା  ଶୋକାକୁଳ। କାରଣ ସେ ଜଣେ କେବଳ ଜଣେ  ଭିଡିଓ ଯର୍ଣ୍ଣାଲିଷ୍ଟ ନଥିଲେ ବ୍ୟକ୍ତିଗତ ଭାବେ ସେ ଜଣେ  ଉତ୍ତମ  ମଣିଷ  ହୋଇଥିବାରୁ  ତାଙ୍କ ସହ  ବିତାଇ ଥିବା ସେଇ ପଛ କଥାକୁ ମାନେ ପକାଇ ଦୁଖ  ପ୍ରକାଶ କରିଥିଲେ  ସମସ୍ତେ।

  ଏହି ଶ୍ରଦ୍ଧାଞ୍ଜଳି ସଭାରେ ଯୋଗ ଦେଇ ବରିଷ୍ଠ ସାମ୍ବାଦିକ ରବି ଦାସ ଦିବ୍ୟାଙ୍ଗତ ମନୋରଞ୍ଜନ ସାହୁଙ୍କ ଆତ୍ମାର ସଦ୍ଗତି  କାମନା କରିଛନ୍ତି। ଏହାସହ ସାମ୍ବାଦିକଙ୍କ ଏଭଳି  ଅସମୟର ମୃତ୍ୟୁକୁ ନେଇ ବିଶେଷ କରି ଅସୁସ୍ଥତା କାରଣରୁ ଏଭଳି ଅକାଳ ମୃତ୍ୟୁକୁ ନେଇ ସାମ୍ୱାଦିକ ସୁରକ୍ଷା ବ୍ୟବସ୍ଥା  ସହ  ପେନସନ ବା ଭତ୍ତା ବ୍ୟବସ୍ଥା  ଲାଗୁ କରିବା ପାଇଁ ରାଜ୍ୟସରକାରଙ୍କ ଅନୁରୋଧ କରିଛନ୍ତି। କାରଣ ଅନେକ ସମୟରେ କାର୍ଯ୍ୟ ଵ୍ୟସ୍ତତାରେ  ସାମ୍ବାଦିକ ମାନେ ଶରୀରପ୍ରତି ଯତ୍ନଶୀଳ ନ ହେବା ଯୋଗୁ ଅନେକ ସ୍ୱାସ୍ଥ୍ୟଗତ ସମସ୍ୟାରେ ପଡୁଛନ୍ତି ଓ କାହାର ମୃତ୍ୟୁ ହେଉଛି। ତେଣୁ ସାମ୍ବାଦିକଙ୍କ ଜୀବନର ସୁରକ୍ଷା ପାଇଁ ସାମ୍ୱାଦିକ ସୁରକ୍ଷା ବ୍ୟବସ୍ଥା  ସହ  ପେନସନ  ବ୍ୟବସ୍ଥା  ଲାଗୁ କରିବା ପାଇଁ ଦାବି କରିଛନ୍ତି ବରିଷ୍ଠ  ସାମ୍ବାଦିକ ରବି ଦାସ। 

  ଚିକିତ୍ସାଧୀନ ଅବସ୍ଥାରେ ହୃଦଘାତ ଯୋଗୁଁ ଗତକାଲି  ୨:୩୦  ସମୟରେ ୪୯ ବର୍ଷ ବୟସରେ ତାଙ୍କର ଦେହାନ୍ତ ଘଟିଥିଲା । ତାଙ୍କ ଅକାଳ ଵିୟୋଗକୁ ନେଇ ପରିବାରରେ ଶୋକର ଛାୟା ଖେଳିଯାଇଛି। ତାଙ୍କ ମୃତ୍ୟୁକୁ ନେଇ ଓଡ଼ିଶାର ଗଣମାଧ୍ୟମ ଜଗତରେ ବି ଶୋକର  ଛାୟା ଖେଳିଯାଇଛି। ତାଙ୍କର  ଆବର୍ତ୍ତନରେ  ସାମ୍ବାଦିକତା ଜଗତରେ ଏକ  ଅପୂରଣୀୟ  କ୍ଷତି ହୋଇଛି।