15-Dec-2024

ଭୁବନେଶ୍ୱର ୧୫/୧୨/୨୪ ( ଭାରତ ପ୍ରସାରଣ ) ;-

ସାଂସ୍କୃତିକ ଅନୁଷ୍ଠାନ ଜାଗରଣ ଆର୍ଟ ଇଣ୍ଟରନ୍ୟାଶନାଲ ଆନୁକୂଲ୍ୟରେ ରେ ଦେବଗଡ଼ ର ଟାଉନ ହଲଠାରେ ବୁଧବାରଠାରୁ ଆରମ୍ଭ ହୋଇଥିବା ୨୦ ତମ ସର୍ବଭାରତୀୟ ବହୁଭାଷୀ ନାଟକ ଓ ନୃତ୍ଯ ମହୋତ୍ସବର ଦ୍ଵିତୀୟ ସନ୍ଧ୍ୟାରେ ଗୁରୁବାର ଲୋକପ୍ରିୟ ପଞ୍ଚମବେଦ ନାଟ୍ୟନୁଷ୍ଟାନର ବହୁ ଚର୍ଚ୍ଚିତ ସାମାଜିକ ଓଡିଆ ନାଟକ "ଅବସର" ମଞ୍ଚସ୍ଥ ହୋଇଯାଇଛି। ନାଟ୍ୟକାର ହର ବାରିକଙ୍କ ରଚିତ ଓ ହରେନ ସାହୁଙ୍କ ନିର୍ଦ୍ଦେଶିତ ଓଡିଆ ନାଟକ ‘ଅବସର ଦର୍ଶକଙ୍କୁ ବିମୋହିତ କରିବା ସହ ନାଟକ ଶେଷ ପର୍ଯ୍ୟନ୍ତ ବାନ୍ଧି ରଖି ପାରିଥିଲା।

ଏହି ନାଟକ ଟି ସମ୍ପୁର୍ଣ୍ଣ ପାରିବାରିକ ହୋଇଥିବା ବେଳେ କାହାଣୀଟି ଆଜିକାଲି ପରିବାର ମଧ୍ୟରେ ଥିବା ବୟସ୍କ ବ୍ୟକ୍ତିଙ୍କୁ କିପରି ଅଣଦେଖା,ହତାଦାର କରାଯାଇଛି ତାହା ନାଟକ ମାଧ୍ୟମରେ ଦର୍ଶାଯାଇଛି ଏବଂ ତାର ପ୍ରତିକାର ସ୍ବରୂପ ବରିଷ୍ଠ ନାଗରିକ ମାନଙ୍କୁ ପରିବାରରେ ଓ ସମାଜରେ ଉପଯୁକ୍ତ ସମ୍ମାନ ଦେବାପାଇଁ ବାର୍ତ୍ତା ପ୍ରେରଣ କରାଯାଇଥିଲା।

ଦ୍ବିତୀୟ ସନ୍ଧ୍ୟାରେ ଅନୁଷ୍ଠାନର ସଭାପତି ସାମ୍ବାଦିକ ଅଶୋକ କୁମାର ନନ୍ଦଙ୍କ ସଭାପତିତ୍ବରେ ଓ ଜନ୍ମଜୟ ନାୟକଙ୍କ ସଂଯୋଜନାରେ ଆୟୋଜିତ ମହୋତ୍ସବ ର ସଭାରେ ଅନୁଷ୍ଠାନର ଉପ ସଭାପତି ପ୍ରକାଶ ଦେବତା ମଞ୍ଚାସୀନ ଥିଲେ।ଅତିଥୁ ଭାବେ ଜିଲ୍ଲା ଭାଜପା ସଭାପତି ଅରୁଣ କୁମାର ସାହୁ, ତିଲେଇବଣି ବ୍ଲକ ଉପାଧ୍ଯକ୍ଷା ଆରତୀ ପ୍ରଧାନ, ଦେବଗଜ ପୌର ପରିଷଦ ଉପାଧ୍ଯକ୍ଷ ପ୍ରଜିତ କୁମାର ଭୋଳ, ଜିଲ୍ଲା କ୍ରିକେଟ ସଂଘ ସମ୍ପାଦକ ଇଂ. ସୁଜିତ କୁମାର ପ୍ରଧାନ ପ୍ରଦୀପ ପ୍ରଜ୍ଜଳନ ପୂର୍ବକ କାର୍ଯ୍ୟକ୍ରମ ଶୁଭାରମ କରିଥିଲେ । ଶେଷରେ ସମ୍ପାଦକ ସୁଜିତ କୁମାର ପାତ୍ର ଧନ୍ୟବାଦ ଅର୍ପଣ କରିଥିଲେ। ଅବସର ନାଟକ ଶେଷରେ ନାଟକରେ ଜଡିତ ଥିବା ବ୍ୟକ୍ତି ବିଶେଷଙ୍କ ପରିଚୟ ପ୍ରଦାନ କରିଥିଲେ ସଂଯୋଜକ ପ୍ରକାଶ ମହାରଣା।ଏହି ଅବସରରେ ପଞ୍ଚମବେଦ ଅନୁଷ୍ଠାନ କୁ ସମ୍ବର୍ଦ୍ଧିତ କରାଯାଇ ମାନପତ୍ର ପ୍ରଦାନ କରାଯାଇଥିଲା। ଏହାକୁ ଗ୍ରହଣ କରିଥିଲେ ସଂଯୋଜକ ଶ୍ରୀଯୁକ୍ତ ମହାରଣା। ସମସ୍ତ କାର୍ଯ୍ୟକ୍ରମ କୁ କାଗରଣ ଆର୍ଟ ଇଣ୍ଟରନ୍ୟାଶନାଲର ସମସ୍ତ କର୍ମକର୍ତ୍ତା ଓ ସଦସ୍ୟ ସଦସ୍ୟା ସହଯୋଗ କରିଥିଲେ।

ରିପୋର୍ଟ :- ଦୀପକ କୁମାର ମହାପାତ୍ର