16-Feb-2024

ଭୁବନେଶ୍ୱର-ତା ୧୬.୨.୨୪ ରିଖ(ଭାରତ ପ୍ରସାରଣ):-ଇଲେକ୍ଟ୍ରୋରାଲ ବଣ୍ଡ ଦେଆଇନ, ଅସାମ୍ବିଧାନିକ। ଏହାକୁ ତୁରନ୍ତ ବନ୍ଦ କରିବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି । ଭାରତୀୟ ଷ୍ଟେଟ ବ୍ୟାଙ୍କ (ଏସବିଆଇ) ଏହି ବଣ୍ଡକୁ ଇସ୍ୟୁ ନ‌କରିବାକୁ ଏବଂ ଏ ବାବଦରେ ସମ୍ପୂର୍ଣ ବିବରଣୀ ପ୍ରଦାନ କରିବାକୁ ସୁପ୍ରିମକୋର୍ଟ ନିର୍ଦ୍ଦେଶ ଦେଇଛନ୍ତି। ମାନ୍ୟବର ସୁପ୍ରିମକୋର୍ଟଙ୍କ ରାୟକୁ କଂଗ୍ରେସ ଦଳ ସ୍ବାଗତ କରିଛି ।ପିସିସି ସଭାପତି ଶରତ ପଟ୍ଟନାୟକ ମଧ୍ୟ ନିଷ୍ପତି କୁ ସ୍ବାଗତ କରିଛନ୍ତି।

ଉଲ୍ଲେଖ ଯୋଗ୍ୟ ଯେ, ଗତ ୫ ବର୍ଷ ଭିତରେ ଇଲେକ୍ଟ୍ରୋରାଲ ବଣ୍ଡ ମାଧ୍ୟମରେ ଜାତୀୟ ଓ ଆଞ୍ଚଳିକ ରାଜନୈତିକ ଦଳମାନେ ଯେଉଁ ଚାନ୍ଦା ପାଇଛନ୍ତି ତାହାର ସର୍ବାଧିକ କେବଳ ବିଜେପି ୫୦ ପ୍ରତିଶତ ରୁ ଅଧିକ ଅର୍ଥାତ ୫୫ ପ୍ରତିଶତ ଚାନ୍ଦା ପାଇଥିବା ବେଳେ ଅନ୍ୟ ସମସ୍ତ ଦଳ ମିଶି ୫୦ ପ୍ରତିଶତ ରୁ କମ ପାଇଛନ୍ତି।ନିର୍ବାଚନ ବଣ୍ଡ ଜରିଆରେ ୨୦୧୭- ୧୮ ଆର୍ଥିକ ବର୍ଷରୁ କେଉଁ ରାଜନୈତିକ ଦଳ କେତେ ଟଙ୍କା ଚାନ୍ଦା ପାଇଛନ୍ତି ତାହା ପ୍ରକାଶ କରାଯାଇଛି ।
   ସେହିପରି ୨୦୧୭-୨୦୧୮ ଆର୍ଥିକ ବର୍ଷରୁ ୨୦୨୨-୨୦୨୩  ଆର୍ଥିକ ୫ ବର୍ଷ ମଧ୍ୟରେ ବିଜେପି ସର୍ବାଧ‌ିକ ୬ ହଜାର ୫୬୬ କୋଟି ୧୨ ଲକ୍ଷ ଟଙ୍କା ପାଇଥିବା ବେଳେ କଂଗ୍ରେସକୁ ୧୧୨୩ କୋଟି ୩୧ ଲକ୍ଷ ଟଙ୍କା ମିଳିଛି। 
   କେବଳ ୨୦୨୨-୨୦୨୩ ଆର୍ଥିକ ବର୍ଷ ହିସାବ କୁ ଦେଖିଲେ ବିଜେପି ସର୍ବାଧୂକ ୧୨୯୪ କୋଟି ଟଙ୍କା ଚାନ୍ଦା ପାଇବାରେ ୧ ନମ୍ବର ସ୍ଥାନରେ ଥିବାବେଳେ ମମତା ବାନାର୍ଜୀଙ୍କ ଦୃଣମୂଳ କଂଗ୍ରେସକୁ ଏହି ସମୟ ମଧ୍ୟରେ ୧ ହଜାର ୯୨ କୋଟି ୯୮ ଲକ୍ଷ ଟଙ୍କା ମିଳିଛି।   ଆମ ଗରିବ ରାଜ୍ୟ ଓଡିଶାକୁ  ସ୍ୱତନ୍ତ୍ର ରାଜ୍ୟର ମାନ୍ୟତା ପାଇଁ କେନ୍ଦ୍ର ସରକାରଙ୍କ ନିକଟରେ ଦାବି କରୁଥିବା ଆଞ୍ଚଳିକ ଦଳ ବିଜେଡି ୭୭୪ କୋଟି ଚାନ୍ଦା ପାଇ ଚତୁର୍ଥ ସ୍ଥାନରେ ରହିଛି। ସେହିପରି ଡିଏମକେକୁ ୬୧୬ କୋଟି, ଟିଆରଏସ କୁ ୩୮୩ କୋଟି ଟଙ୍କା ୬୫ ଲକ୍ଷ ଟଙ୍କା ମିଳିଛି ।ଆନ୍ଧ୍ର ପ୍ରଦେଶ ଜଗନମୋହନ ରେଡ୍ଡୀଙ୍କ ନେତୃତ୍ବାଧୀନ ୱାଇଏସଆର କୁ ୩୮୨ କୋଟି ୬.୫ ଲକ୍ଷ ଟଙ୍କା ମିଳିଥିବା ବେଳେ ଚନ୍ଦ୍ରବାବୁ ନାଇଡଙ୍କ ଟିଡିପିକୁ ୧୪୬ କୋଟି ୬ ଲକ୍ଷ ଟଙ୍କା ମିଳିଛି । ଶିବସେନାକୁ ୧୦୧ କୋଟି ୩୮ ଲକ୍ଷ ଟଙ୍କା,ଆମ ଆଦମୀ ପାର୍ଟିକୁ ୯୪ କୋଟି ୨୮୫ ଲକ୍ଷ ଟଙ୍କା ମିଳିଛି।ସେହିପରି କିଛି ଆଞ୍ଚଳିକ ଦଳର ଆର୍ଥିକ ବର୍ଷ ୨୦୨୨-୨୦୨୩ ର ଦାନ ପରିମାଣ ସୁନ ବୋଲି ଦର୍ଶାଯାଇଛି। ଦର୍ଶାଯାଇଥିବା ପ୍ରାୟ ୨୦ଟି ଦଳ ୨୦୧୭-୧୮ ରୁ ୨୦୨୨-୨୩ ମଧ୍ୟରେ ସମୁଦାୟ ୮ ହଜାର ୯୭୦ କୋଟି ଟଙ୍କାରୁ ଅଧ‌ିକ ଚାନ୍ଦା ପାଇଛନ୍ତି। ଚିନ୍ତନ ଶିବିର ରେ କଂଗ୍ରେସ ନିଷ୍ପତି ନେଇଛି କି କେନ୍ଦ୍ରରେ କଂଗ୍ରେସ ସରକାରକୁ ଆସିଲେ ଜାତୀୟ ନିର୍ବାଚନ ପାଣ୍ଠି ଗଠନ କରିବ।