15-Feb-2024

ଭୁବନେଶ୍ଵର ତା ୧୫.୨.୨୪ ରିଖ( ଭାରତ ପ୍ରସାରଣ):- ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ ପି ନଡ୍ଡା ଗୁଜୁରାଟ ରୁ ଦଳୀୟ ରାଜ୍ୟସଭା ପ୍ରାର୍ଥୀ ହୋଇଥିବା ବେଳେ ପୂର୍ବତନ ମୁଖ୍ୟମନ୍ତ୍ରୀ ଅଶୋକ ଚୌହାନ କଂଗ୍ରେସ ଛାଡିବାର ଦିନକ ପରେ ମହାରାଷ୍ଟ୍ରରୁ ବିଜେପି ତାଙ୍କୁ ରାଜ୍ୟସଭା ପାର୍ଥି କରିଛନ୍ତି।
   ସେହିପରି କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କୁ ଓଡ଼ିଶାରୁ ବିଜେପି ରାଜ୍ୟସଭା ପ୍ରାର୍ଥୀ କରିଥିବା ବେଳେ ଲଗାତାର ଦୁଇଥର ରାଜ୍ୟସଭା କୁ ନିର୍ବାଚିତ ହୋଇଥିବା ଓଡ଼ିଶାର କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଆସନ୍ତା ରାଜ୍ୟସଭା ବିର୍ବାଚାନରେ ପ୍ରାର୍ଥୀ ନ  କରାଯାଇ ନାହିଁ। ଏହାକୁ ନେଇ  ରାଜନୈତିକ ମହଲ ରେ ଆଲୋଚନା ସରଗରମ ହୋଇଛି।ଗତ ଥର ଧର୍ମେନ୍ଦ୍ର ପ୍ରଧାନ ମଧ୍ୟପ୍ରଦେଶରୁ ରାଜ୍ୟସଭାକୁ ନିର୍ବାଚିତ ହୋଇଥିଲେ।
   ଆସନ୍ତା ଏପ୍ରିଲ ରେ ୫୬ ଜଣ ରାଜ୍ୟସଭା ସଦସ୍ୟଙ୍କ କାର୍ଯ୍ୟକାଳ କାଳ ସରୁଥିବା ବେଳେ ୭ ଜଣ କେନ୍ଦ୍ରମନ୍ତ୍ରୀ ରାଜ୍ୟସଭା ଟିକେଟ ରୁ ବଞ୍ଚିତ ହୋଇଛନ୍ତି ।ସେଥିରେ ଧର୍ମେନ୍ଦ୍ର ପ୍ରଧାନଙ୍କ ନାମ ମଧ୍ୟ ରହିଛି।
   ଏଥିରୁ ସ୍ପଷ୍ଟ ଜଣା ପଡୁଛି କି ଧର୍ମେନ୍ଦ୍ର ପ୍ରଧାନ ଆସନ୍ତା ଲୋକସଭା କିମ୍ବା ରାଜ୍ୟ ବିଧାନସଭା ସଭା ନିର୍ବାଚନ ଲଢ଼ିବେ।
   ସୂଚନାଯୋଗ୍ୟ କି ଧର୍ମେନ୍ଦ୍ର ପ୍ରଧାନ ରାଜ୍ୟରେ ବିଜେଡି ଓ ବିଜେପି ମିଳିତ ସରକାର ସମୟରେ ୨୦୦୦ ମସିହାରେ ପାଲଲହଡା ରୁ ବିଜେପି ବିଧାୟକ ଭାବେ ନିର୍ବାଚନ ଲଢ଼ି ବିଧାୟକ ହୋଇଥିଲେ।ଅନୁରୂପ  ୨୦୦୪ ମସିହାରେ ଦେବଗଡ଼ ଲୋକସଭା ରୁ ବିଜେପି ସାଂସଦ ହୋଇଥିଲେ।
୨୦୦୦ ମସିହାରୁ ୨୦୦୯ ପର୍ଯ୍ୟନ୍ତ ବିଜେଡି ଓ ବିଜେପି ର ମିଳିତ ସରକାର ରାଜ୍ୟରେ ଥିଲା।
    ସେହିପରି ଏପ୍ରିଲ ୨୦୧୨ ମସିହାରୁ ଲଗାତାର ଦୁଇଥର ବିଜେପି ର ରାଜ୍ୟସଭା ସାଂସଦ ହୋଇ ଧର୍ମେନ୍ଦ୍ର ପ୍ରଧାନ କେନ୍ଦ୍ରରେ ଗୁରୁତ୍ୱପୂର୍ଣ୍ଣ ବିଭାଗର ମନ୍ତ୍ରୀ  ହୋଇ ଦାଇତ୍ୱ ନିର୍ବାହ କରୁଛନ୍ତି।ପ୍ରଥମ ଥର ବିହାରରୁ ରାଜ୍ୟସଭା ଯାଇଥିଲେ।ବିଜେପି ର ନୀତି ଆଧାରରେ(ଲଗାତାର ଦୁଇଥର ରାଜ୍ୟସଭା ସାଂସଦ ନେତାଙ୍କୁ ପୁନର୍ବାର ରାଜ୍ୟସଭା ଟିକେଟ ନ ଦେବାକୁ ଦଳର ନିଷ୍ପତି) ତୃତୀୟ ଥର ପାଇଁ ଧର୍ମେନ୍ଦ୍ର ଟିକେଟ ରୁ ବଞ୍ଚିତ ହେଲେ ନା ନବୀନଙ୍କ ଗୋଟି ଚାଳନାରେ ବଳି ପଡିଲେ ତାହା ବର୍ତ୍ତମାନ ରାଜ୍ୟ ରାଜନୀତିରେ ଚର୍ଚ୍ଚାର ବିଷୟ ହୋଇଛି।