21-Feb-2024

ଭୁବନେଶ୍ବର:୨୧.୨.୨୪(ଭାପ୍ର) ‘ଇଟିଭି ଭାରତ’ ଭିଡିଓ ଜର୍ଣ୍ଣାଲିଷ୍ଟ ମନୋରଞ୍ଜନ ସାହୁଙ୍କ ଆଜି  ପରଲୋକ ଘଟିଛି। ଭୁବନେଶ୍ବରର ଏକ ଘରୋଇ ମେଡିକାଲରେ ଚିକିତ୍ସାଧୀନ ଅବସ୍ଥାରେ ପରଲୋକ ଗମନ କରିଛନ୍ତି ସ୍ୱର୍ଗଟ ମନୋରଞ୍ଜନ। ମାତ୍ର ୪୯ ବର୍ଷ ବୟସରେ ମନୋରଞ୍ଜନଙ୍କ ଅକାଳ ବିୟୋଗ ଘଟିଛି ।ସେ ୨୦ ବର୍ଷରୁ ଉର୍ଦ୍ଧ୍ବ  ସମୟରେ ପ୍ରମୁଖ ବୈଦ୍ୟୁତୁକ ଗଣମାଧ୍ୟରେ ଭିଡିଓ ଜର୍ଣଲିଷ୍ଟ ଭାବେ କାର୍ଯ୍ୟ କରିଛନ୍ତି।ଅଧୁନା ସେ  ଇଟିଭି ଭାରତରେ ଭିଡିଓ ଜର୍ଣ୍ଣାଲିଷ୍ଟ ଭାବେ କାର୍ଯ୍ୟରତ ଥିଲେ । ତାଙ୍କର ଏଭଳି ଅକାଳ ବିୟୋଗରେ ସାମ୍ବାଦିକ ମହଲରେ ଶୋକର ଛାୟା ଖେଳିଯାଇଛି ତାହା ନୁହେଁ ରାଜନୀତି ଜଗତରେ ବି ଶୋକ ର  ଛାୟା ଖେଳିଯାଇଛି।
   ସ୍ବର୍ଗତ ମନୋରଞ୍ଜନ ଙ୍କ ବିୟୋଗ ମନୋରଞ୍ଜନଙ୍କ ବିୟୋଗ ଖବର ଶୁଣି ଗଭୀର ଶୋକ ପ୍ରକାଶ କରିଛନ୍ତି ପିସିସି ସଭାପତି ଶରତ ପଟ୍ଟନାୟକ ।ସେ ତାଙ୍କ ଶୋକ ବାର୍ତ୍ତାରେ କହିଛନ୍ତି ମନୋରଞ୍ଜନ ବାବୁ ଙ୍କ ବିୟୋଗ ତାଙ୍କୁ ଦୁଃଖ ଦେବା ସହ ମର୍ମାହିତ କରିଛି।ତାଙ୍କ ଅମର ଆତ୍ମାର ସଡଗତି କାମନା କରି ସୋକସନ୍ତପ୍ତ ପରିବାରବର୍ଗକୁ ଗଭୀର ସମବେଦନା ଜ୍ଞାପନ କରିଛନ୍ତି।
   ଅନୁରୂପ ଭାବେ ପୂର୍ବତନ ପିସିସି ସଭାପତି ନିରଞ୍ଜନ ପଟ୍ଟନାୟକ,ଜୟଦେବ ଜେନା,ପ୍ରସାଦ ହରିଚନ୍ଦନ,ପୂର୍ବତନ ମନ୍ତ୍ରୀ ଗଣେଶ୍ଵର ବେହେରା,ସୁରେଶ କୁମାର ରାଉତରାୟ,ତାରାପ୍ରସାଦ ବାହିନୀପତି,ବିଜୟ ପଟ୍ଟନାୟକ,ନବଜ୍ୟୋତି ପଟ୍ଟନାୟକ,ତାରା  ବାହିନୀପତି,ମାନସ ଚୌଧରୀ,ବିଶ୍ୱଜିତ୍ ଦାସ,ରଣଜିତ ପାତ୍ର,ୟାସିର ନୱାଜ୍,ମନୋରଞ୍ଜନ ଦାସ,ଅମିୟ ପାଣ୍ଡବ,ରଜନୀ କୁମାର ମହାନ୍ତି,ସିଦ୍ଧାର୍ଥ ସ୍ୱରୂପ ଦାସ,,ସୁବ୍ରତ ମହାପାତ୍ର ପ୍ରମୁଖ କଂଗ୍ରେସ ନେତୃବୃନ୍ଦ ସ୍ବର୍ଗତ ମନୋରଞ୍ଜନ ବାବୁଙ୍କ ବିୟୋଗରେ ଗଭୀର ପ୍ରକାଶ କରି ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।

  ସୂଚନାଯୋଗ୍ୟ ବିଗତ ଦୁଇଦିନ ହେବ ଶରୀର ଅସୁସ୍ଥ ଥିବା ଅନୁଭବ କରିଥିଲେ ମନୋରଞ୍ଜନ । ଆଜି ହଠାତ ତାଙ୍କର ସ୍ବାସ୍ଥ୍ୟାବସ୍ଥା ଗୁରୁତର ହେବାରୁ ତାଙ୍କୁ ଭୁବନେଶ୍ବରର ଏକ ଘରୋଇ ହସ୍ପିଟାଲକୁ ଚିକିତ୍ସା ପାଇଁ ନିଆଯାଇଥିଲା । କିନ୍ତୁ ଚିକିତ୍ସାଧୀନ ଅବସ୍ଥାରେ ହୃଦଘାତ ଯୋଗୁଁ ଆଜି ଅପରାହ୍ନ ପ୍ରାୟ ୨ଟା ୩୦ ମିନିଟ ସମୟରେ ତାଙ୍କର ମୃତ୍ୟୁ ଘଟିଛି । ମୃତ୍ୟୁ ବେଳକୁ ତାଙ୍କୁ ୪୯ ବର୍ଷ ବୟସ ହୋଇଥିଲା । ମନୋରଞ୍ଜନ ସାହୁଙ୍କ ଅକାଳ ବିୟୋଗରେ ଭାଙ୍ଗିପଡ଼ିଛନ୍ତି ପରିବାର ବର୍ଗ । ତାଙ୍କ ମୃତ୍ୟୁକୁ ନେଇ ଗଣମାଧ୍ୟମ ଜଗତରେ ମଧ୍ୟ ଶୋକର ଛାୟା ଖେଳିଯାଇଛି ।  ଶୋକସନ୍ତପ୍ତ ପରିବାର ବର୍ଗଙ୍କୁ ଏହି ଦୁଃଖଦ ସମୟରେ ଧର୍ଯ୍ୟ ଧରିବାକୁ ସମସ୍ତେ ନିବେଦନ କରିଛନ୍ତି । ତାଙ୍କର ଅବର୍ତ୍ତମାନରେ ସାମ୍ବାଦିକତା ଜଗତରେ ଏକ ଅପୂରଣୀୟ କ୍ଷତି ଘଟିଛି ।ମନୋରଞ୍ଜନ ସାହୁ ଜଣେ ମିଷ୍ଟଭାଷୀ ମେଳାପୀ ସ୍ବଭାବର ବ୍ୟକ୍ତିତ୍ବ ଥିଲେ  । ତାଙ୍କ ବିୟୋଗରେ ସାମାଜିକ ଗଣମାଧ୍ୟମରେ ପୋଷ୍ଟ କରି ସାମ୍ବାଦିକମାନେ ଶୋକ ବ୍ୟକ୍ତ କରିଛନ୍ତି ।