ଭୁବନେଶ୍ୱର, ୩୦/୧୦(ଭାରତ ପ୍ରସାରଣ): ଅର୍ଣ୍ଣବ ବାତ୍ୟା ଦ୍ୱାରା ଦକ୍ଷିଣ ଓଡିଶାର ଗଞ୍ଜାମ ସମେତ ପ୍ରଭାବିତ ବିଭିନ୍ନ ଜ଼ିଲ୍ଲା ମାନଙ୍କରେ ଜଳବନ୍ଦୀ ମାନଙ୍କୁ ଉଦ୍ଧାର, କ୍ଷତିଗ୍ରସ୍ତ କୃଷିକ୍ଷେତ୍ର , ଫସଲ, ଘରଦ୍ୱାର ଓ ଜୀବିକା କ୍ଷେତ୍ରରେ ଯୁଦ୍ଧ କାଳୀନ ସର୍ଭେ ଓ ତୁରନ୍ତ ପର୍ଯ୍ୟାପ୍ତ କ୍ଷତିପୂରଣ, ବିକଳ୍ପ କୃଷି ବ୍ୟବସ୍ଥା ଗ୍ରହଣ କରିବାକୁ ସାହାଯ୍ୟ ଯୋଗାଇ ଦେବାକୁ ଅଖିଳ ଭାରତ କୃଷକ ସଭା ରାଜ୍ୟ ସାଧାରଣ ସମ୍ପାଦକ କ୍ଷୀରୋଦ ସିଂହ ଦେଓ ରାଜ୍ୟ ସରକାରଙ୍କ ପାଖରେ ଦୃଢ଼ ଦାବୀ କରିଛନ୍ତି ।ସାମ୍ପ୍ରତିକ ବାତ୍ୟା, ବନ୍ୟାରେ କ୍ଷତିଗ୍ରସ୍ତ ସମସ୍ତ ଜିଲ୍ଲା ପାଇଁ ପୂର୍ବ ସୁଚନା ଥିବା ବେଳେ ସରକାରଙ୍କ ପ୍ରସ୍ତୁତି ଅଭାବ ପାଇଁ ଏଭଳି ଅଭାବନୀୟ ଘଟଣା ଘଟିଛି। ଗଣମାଧ୍ୟମ ଓ ସାମାଜିକ ଗଣ ମାଧ୍ୟମରେ ପ୍ରଚାରିତ ଭୟଙ୍କର ପ୍ରଭାବିତ ଦୃଶ୍ୟ, ପାଣିପାଗ ବିଭାଗ ର ଆଗୁଆ ସୂଚନା ସତ୍ୱେ,ରାଜ୍ୟର
ବିଜେପି ନେତୃତ୍ୱରେ ଥିବା ଡବଲ ଇଞ୍ଜିନ ସରକାର ଙ୍କ ତ୍ୱରିତ ପଦକ୍ଷେପ ନେବାରେ ବିଫଳତା ଯୋଗୁଁ କ୍ଷତିଗ୍ରସ୍ତ ଜ଼ିଲ୍ଲା ଓ ଅଂଚଳ ରେ କୃଷକ ଙ୍କ ସମେତ ସାଧାରଣ ଜନଗଣ ପରିବାରଙ୍କ ଧନ ଜୀବନ କୁ ସୁରକ୍ଷା ଦେବାରେ ରାଜ୍ୟ ସରକାରଙ୍କ ବିଫଳତା କୁ ସମ୍ପୂର୍ଣ୍ଣ ଦାୟୀ କରିଛନ୍ତି । କ୍ଷୀରୋଦ ସିଂହ ଦେଓ, ସାଧାରଣ ସମ୍ପାଦକ, ଅଖିଳ ଭାରତ କୃଷକ ସଭା, ଓଡିଶା ରାଜ୍ୟ ପରିଷଦ
