10-Feb-2024

ଭୁବନେଶ୍ୱର ତା ୧୦.୨.୨୪ ରିଖ(ଭାରତ ପ୍ରସାରଣ):-ରାଜ୍ୟ ରାଜନୀତିରେ ବିରଳ କୃତିତ୍ବ ଅର୍ଜନ କରିଥିବା ୧୦ ଥରର ବିଧାୟିକା ଭି ସୁଜ୍ଞାନ କୁମାରୀ ଦେଓଙ୍କର ଚେନ୍ନାଇ ସ୍ଥିତ ଏକ ଘରୋଇ ହସ୍ପିଟାଲରେ ଗତକାଲି ବିଳମ୍ବିତ ରାତି ରେ  ପରଲୋକ ହୋଇଛି।    ତାଙ୍କ ମରଶରୀରକୁ ସ୍ୱତନ୍ତ୍ର ବିମାନରେ ଚେନ୍ନାଇରୁ ଆଜି ଭୁବନେଶ୍ୱର ଅଣାଯାଇଛି। ଭୁବନେଶ୍ୱର ବିମାନବନ୍ଦରରୁ ତାଙ୍କର ପାର୍ଥିବ ଶରୀରକୁ ପ୍ରଥମେ ବିଜେଡି ପାର୍ଟି ଅଫିସ ଅଣାଯାଇଥିଲା। ଶଙ୍ଖଭବନରେ  ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶଙ୍ଖ ଭବନରେ ଭି ସୁଜ୍ଞାନ କୁମାରୀ ଦେଓଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲେ।ଅନୁରୂପ ଭାବେ ଦଳୀୟ ନେତୃବୃନ୍ଦ ମାନେ ତାଙ୍କର ଶେଷ ଦର୍ଶନ କରିବା ସହ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
  ଏହାପରେ ସୁଜ୍ଞାନ କୁମାରୀ ଦେଓଙ୍କ ପାର୍ଥିବ ଶରୀରକୁ ବିଧାନସଭା ନିଆଯାଇଥିଲା। ସେଠାରେ ବାଚସ୍ପତି ,ବିଧାୟକ ଓ ବିଶିଷ୍ଟ ବ୍ୟକ୍ତି ମାନେ ତାଙ୍କ ଶେଷ ଦର୍ଶନ କରି ଶ୍ରଦ୍ଧାଂଜଳି ଜଣାଇଥିଲେ। ଆସନ୍ତାକାଲି ଶେଷକୃତ୍ୟ ପାଇଁ ତାଙ୍କର ପାର୍ଥିବ ଶରୀରକୁ ଖଲ୍ଲିକୋଟରେ ଥିବା ରାଜପରିବାରର ଶ୍ମଶାନ ଘାଟକୁ ନିଆଯିବ। ତା ପରେ ତାଙ୍କର ଶେଷକୃତ୍ୟ କରାଯିବ।
  ଏଠାରେ ସୂଚାଇ ଦେଉଛୁକି ସ୍ୱର୍ଗତା ଭି ସୁଜ୍ଞାନ କୁମାରୀ ଦେଓ ଖଲ୍ଲିକୋଟ ଏବଂ ଏବଂ କବିସୂର୍ଯ୍ୟନଗର ରୁ ୧୦ ଥର ବିଧାନସଭା ର ବିଧାୟିକା ଭାବେ  ନିର୍ବାଚିତ ହୋଇ ବିରଳ କୃତିତ୍ୱ ଅର୍ଜନ କରିଛନ୍ତି।