Breaking News
10-Feb-2024
ଭୁବନେଶ୍ୱର-ତା ୧୦.୨.୨୪ ରିଖ(ଭାରତ ପ୍ରସାରଣ ନିଉଜ):-ରାଜ୍ୟରେ ଆଉ କିଛିଦିନ ପରେ ସାଧାରଣ ନିର୍ବାଚନ ଅନୁଷ୍ଠିତ ହେବାକୁ ଯାଉଛି।ପ୍ରମୁଖ ତିନି ଦଳରୁ ଏବେ କିଛି ନେତା ଦଳ ଛାଡିବା ଓ ମିଶିବା ଲାଗିରହିଛି।ତିନି ପ୍ରମୁଖ ଦଳ ବିଜେଡି ,ବିଜେପି ଓ କଂଗ୍ରେସ ପଶ୍ଚିମ ଓଡ଼ିଶାରେ ଫୋକସ କରୁଛି।
ଏହି ପରିପେକ୍ଷିରେ ଚଳଚିତ୍ର ଜଗତର ଚର୍ଚ୍ଚିତ ତଥା ପଶ୍ଚିମ ଓଡିଶାର ଅଭିନେତା ମନୋଜ ମିଶ୍ର ନୂଆକରି ରାଜନୀତିରେ ପାଦ ଥାପିଛନ୍ତି। କଂଗ୍ରେସ ଦଳ ଶ୍ରେୟ ମନେ କରି ଆଜି ବିଧିବଦ୍ଧ ଭାବେ କଂଗ୍ରେସ ଦଳରେ ସାମିଲ ହୋଇଛନ୍ତି ଶ୍ରୀଯୁକ୍ତ ମିଶ୍ର।
ରାଜ୍ୟ ଅତିଥି ଭବନ ରେ ମିଶ୍ରଣ ପର୍ବ କାର୍ଯ୍ୟକ୍ରମରେ ଏଆଇସିସି ରାଜ୍ୟ କଂଗ୍ରେସ ପ୍ରଭାରୀ ଡ଼ ଅଜୟ କୁମାର ,ପିସିସି ସଭାପତି ଶରତ ପଟ୍ଟନାୟକ ଓ କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର ପ୍ରମୁଖ ପୁଷ୍ପଗୁଛ ଓ ଉତରିୟ ଦେଇ ମନୋଜ ମିଶଙ୍କୁ କଂଗ୍ରେସ ଦଳରେ ସାମିଲ କରିଛନ୍ତି।
କଂଗ୍ରେସରେ ଯୋଗଦାନ ପରେ ମନୋଜ ମିଶ୍ର କହିଛନ୍ତି କି କଂଗ୍ରେସ ର ନୀତି,ଆଦର୍ଶ ରେ ଅନୁପ୍ରାଣିତ ହୋଇ ମୁଁ କଂଗ୍ରେସ ଦଳରେ ଯୋଗଦାନ କରିଛି।ମୁଁ ଲୋକଙ୍କ ସେବା କରିବାକୁ ଆସିଛି, ନେତା ହେବାକୁ ନୁହେଁ । ପଶ୍ଚିମ ଓଡ଼ିଶାରେ ବର୍ତ୍ତମାନ ସାଧାରଣ ଜନତାଙ୍କ ବହୁବିଧ ସମସ୍ୟା ରହିଛି । ସରକାର ଏହା ପ୍ରତି ଦୃଷ୍ଟି ନ ଦେଇ କ୍ରମାଗତ ଭାବେ ଅବହେଳା କରି ଚାଲିଛନ୍ତି । ତେଣୁ ଲୋକଙ୍କ ସ୍ୱର ଉଠାଇ ସମସ୍ୟାର ସମାଧାନ କରିବା ପାଇଁ ମୁଁ ଆଜି କଂଗ୍ରେସରେ ସାମିଲ ହୋଇଛି । ଓଡ଼ିଆ ସିନେମା ପାଇଁ ପ୍ରଥମେ ମୁହଁ ଖୋଲିଲି ବୋଲି ଓଡ଼ିଆ ସିନେମାରେ କିଛି ପରିବର୍ତ୍ତନ ହୋଇଛି । ନିର୍ବାଚନ ଲଢିବି କି ନାହିଁ ଦଳ ନିଷ୍ପତ୍ତି ନେବ ।
ସୂଚନାଯୋଗ୍ୟ ଯେ, ପୂର୍ବରୁ ଓଲିଉଡକୁ ନେଇ ଦେଖାଦେଇଥିବା ବିବାଦରେ ମନୋଜ ମିଶ୍ରଙ୍କ ସମର୍ଥନରେ ବରିଷ୍ଠ କଂଗ୍ରେସ ନେତା ତଥା ବିଧାୟକ ନରସିଂହ ମିଶ୍ର ବାହାରିଥିଲେ।