03-Feb-2024

ଭୁବନେଶ୍ୱର-ତା. ୩/୨/୨୪:-ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଓଡିଶା ଗସ୍ତ ପରେ  ସାଂଘାତିକ ଅଭିଯୋଗ ଆଣିଛନ୍ତି ଓଡିଶା କଂଗ୍ରେସ ପ୍ରଭାରୀ ଡ଼  ଅଜୟ କୁମାର ।
      ସେ କହିଛନ୍ତି କି ଓଡିଶା ପାଇଁ ନୂଆ ଯୋଜନା ଆଣିନାହାନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ।ଓଡିଶାକୁ ନୂଆ କଣ ଦେଇଛନ୍ତି ମୋଦି କୁହନ୍ତୁ । ପାରାଦୀପ ପୋର୍ଟ ଠୁଁ ଆରମ୍ଭ କରି  ହୀରାକୁଦ, ନାଲକୋ ଓ ଅନ୍ୟ ଶିଳ୍ପ କଂଗ୍ରେସ ସମୟରେ ହୋଇଛି । ଜାନକୀ ବଲ୍ଲଭ ପଟ୍ଟନାୟକ, ନନ୍ଦିନୀ ଶତପଥୀ, ହରେକୃଷ୍ଣ ମହତାବ, ବସନ୍ତ ବିଶ୍ୱାଳ ଙ୍କ ସମୟରେ  ଓଡିଶା ପାଇଁ ଏହି ସବୁ କାର୍ଯ୍ୟ ହୋଇଛି । ମାଇନିଂ ମାଫିଆ ସହିତ ମିଶି ଓଡିଶାକୁ ଖାଲି କରିଦେଇଛନ୍ତି ପ୍ରଧାନମନ୍ତ୍ରୀ । ଅମିତ ସାହା ଏବଂ  ନବୀନଙ୍କ ମଧ୍ୟସ୍ଥି ସାଜିଛନ୍ତି ଭିକେ ପାଣ୍ଡିଆନ । ବିଜେଡି ବର୍ତ୍ତମାନ ବିଜେପି ହୋଇ ସାରିଛି ।ସେଥିପାଇଁ ଡ଼ କୁମାର ଆହ୍ୱାନ ଦେଇ କହିଛନ୍ତି କି ବିଜେଡିରେ ଥିବା ନେତା ଦଳ ଛାଡ଼ନ୍ତୁ, କାରଣ ବିଜେଡି ଆଉ ବିଜେଡି ହୋଇନାହିଁ । ଆଗାମୀ ଦିନରେ ପାଣ୍ଡିଆନ ବିଜେଡିକୁ ବିଜେପି ସହିତ ମିଶେଇଦେବେ ।   ।ପ୍ରଧାନମନ୍ତ୍ରୀ ମାଇନିଂ ମାଫିଆ ସହିତ ମିଶି ଓଡିଶାକୁ ଖାଲି କରିଦେଇଛନ୍ତି । ଆଦିବାସୀଙ୍କୁ ବର୍ବାଦ କରିବା ସହ ଓଡିଶାକୁ ଲୁଟି ନେଇଛନ୍ତି । ତେଣୁ ଓଡିଶା ଗସ୍ତରେ ଆସିଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, 5ଟି ଅଧ୍ୟକ୍ଷ ଭିକେ ପାଣ୍ଡିଆନଙ୍କ ବିରୋଧରେ ପଦେ କହିଲେ ନାହିଁ । 
  ଡ଼ ଅଜୟ କୁମାର ଆହୁରି ମଧ୍ୟ କହିଛନ୍ତି ଯେ ପୂର୍ବରୁ ବିଜେପି ଓ ବିଜେଡି ମଧ୍ୟରେ ବିବାହ ହୋଇସାରିଛି ।ସେମାନେ ଦୀର୍ଘ ବର୍ଷ ପରେ ପ୍ରେମ ବିବାହ କରିଛନ୍ତି। ଏହା ପୁନର୍ବାର ଆଜି ପ୍ରମାଣିତ ହୋଇଛି । ଯେଉଁ ଦଳ ସହିତ ବିଜେପିର ବିବାହ ହୋଇସାରିଛି, ମୋଦି ସେ ଦଳ ବାବଦରେ କେମିତି କହିବେ ।କୌଣସି ସ୍ୱାମୀ ସ୍ତ୍ରୀ ବିରୁଦ୍ଧରେ କହିବ କି ? ପୂର୍ବରୁ ବିଜେଡି ଓ ବିଜେପି ମଧ୍ୟରେ ଗଠବନ୍ଧନ ହୋଇସାରିଛି । ସେଥିପାଇଁ ଜନସାଧାରଣ ବୁଝିବା ଦରକାର କି  ଏବେ  ବିଜେଡି ଓ ବିଜେପି ଏକ ଆଉ ଅଭିନ୍ନ।
ବି ମହାପାତ୍ର,ଭୁବନେଶ୍ୱର