14-Feb-2024

**
ଭୁବନେଶ୍ୱର-ତା୧୪.୨.୨୪ ରିଖ(ଭାରତ ପ୍ରସାରଣ):-ରାଜନଗର ର ପୂର୍ବତନ ବିଧାୟକ ତଥା କେନ୍ଦ୍ରାପଡା ଜିଲ୍ଲା କଂଗ୍ରେସ କମିଟି ସଭାପତି ଶ୍ରୀ ଅଂଶୁମାନ ମହାନ୍ତି ଆଜି କଂଗ୍ରେସ ରୁ ଇସ୍ତଫା ଦେଇଛନ୍ତି।ଶ୍ରୀ ମହାନ୍ତି କଂଗ୍ରେସ ଦଳର ପ୍ରାଥମିକତା ସଦସ୍ୟ ପଦ ସହିତ ଜିଲ୍ଲା କଂଗ୍ରେସ କମିଟି ସଭାପତିରୁ ଇସ୍ତଫା ଦେଇଛନ୍ତି।    
  ସେ ତାଙ୍କ ଇସ୍ତଫା ପତ୍ରକୁ ପିସିସି ସଭାପତି ଶ୍ରୀ ଶରତ ପଟ୍ଟନାୟକ ଙ୍କ ପାଖକୁ ପଠାଇ ଦେଇଛନ୍ତି।ରାଜନଗରର ପୂର୍ବତନ ବିଧାୟକ ଥିଲେ ଅଂଶୁମାନ ଏବଂ ପୂର୍ବତନ ମନ୍ତ୍ରୀ ତଥା ସାତଥରର ବିଧାୟକ ସ୍ବର୍ଗତ ନଳିନୀ କୁମାର ମହାନ୍ତିଙ୍କ ସୁପୁତ୍ର ଅଟନ୍ତି ଅଂଶୁମାନ।
   ଆସନ୍ତା କାଲି ରାଜ୍ୟସଭା ପାର୍ଥି ଆବେଦନର ଶେଷ ତାରିଖ।ଆସନ୍ତା ୨୭ ତାରିଖରେ  ୩ ଟି ରାଜ୍ୟସଭା ପାଇଁ ନିର୍ବାଚନ ହେବାକୁ ଥିବାବେଳେ ୨ ଟି ରେ ବିଜେଡି ତାର ପାର୍ଥି ଘୋଷଣା କରି ନାମାଙ୍କନ ଦାଖଲ କରିସାରିଛି।ବାକିଥିବା ଗୋଟିଏ ଆସନରୁ କିଏ ପାର୍ଥି ହେବ ତାକୁ ନେଇ ସସପେନ୍ସ ଜାରି ରହିଥିବା ବେଳେ ଅଂଶୁମାନଙ୍କ ଇସ୍ତଫା ଆହୁରି ରାଜନୈତିକ ମହଲରେ ଚର୍ଚ୍ଚାର ବିଷୟ ପାଲଟିଛି।