12-Feb-2024

ଭୁବନେଶ୍ଵର: ତା ୧୨.୨.୨୪ (ଭାରତ ପ୍ରସାରଣ):-ଆଜି ରାଜ୍ୟର ପମୁଖ ବିଜେଡି ଦଳ ପକ୍ଷରୁ ୨ ଟି ରାଜ୍ୟସଭା ପ୍ରାର୍ଥୀ ଘୋଷଣା କରାଯାଇଛି।ବିଜେଡି ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବାରବାଟି - କଟକ ର ପୂର୍ବତନ ବିଧାୟକ ଦେବାଶିଷ ସାମନ୍ତରାୟ  ଓ ଯୁବ ବିଜେଡି ର ଉପସଭାପତି ଶୁଭାଶିଷ ଖୁଣ୍ଟିଆଙ୍କୁ ବିଜେଡି ଦଳ ରାଜ୍ୟସଭା ପ୍ରାର୍ଥୀ ଭାବେ ଘୋଷଣା କରି ସମସ୍ତ କଳ୍ପନାଜଳ୍ପନା ର ଅନ୍ତ ଘଟାଇଛନ୍ତି।ଆସନ୍ତା କାଲି ଆଉ ଗୋଟିଏ ପ୍ରାର୍ଥୀଙ୍କ ନାମ ବିଜେଡ଼ି ଘୋଷଣା କରିପାରେ କିମ୍ବା ସ୍ଵାଧୀନ ପାର୍ଥୀ ଙ୍କୁ ସମର୍ଥନ ଦେଇ ଭୋଟ ଲୋଡ଼ିବ ବିଜେପି ବା କଂଗ୍ରେସ ର । ନଚେତ୍ ବିଜେପି ଘୋଷଣା କରିବ ତୃତୀୟ ପ୍ରାର୍ଥୀ ବିଜେଡି ସମର୍ଥନରେ।
   ଉଲ୍ଲେଖ ଥାଉ ଓଡ଼ିଶାର ୩ ଜଣ ରାଜ୍ୟସଭା ସାଂସଦ ଅମର ପଟ୍ଟନାୟକ,ପ୍ରଶାନ୍ତ ନନ୍ଦ ଓ କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ କାର୍ଯ୍ୟକାଳ ଆସନ୍ତା ଏପ୍ରିଲ ରେ ଶେଷ ହେଉଛି।ଉକ୍ତ ତିନି ରାଜ୍ୟସଭା ଆସନ ପାଇଁ ଫେବ୍ରୁଆରୀ ୨୭ ତାରିଖରେ ନିର୍ବାଚନ ହେବ।
  ଏଠାରେ ସୂଚାଇ ଦେଉଛୁ କି ସାଂସଦ ଅମର ପଟ୍ଟନାୟକ ଓ ପ୍ରଶାନ୍ତ ନନ୍ଦଙ୍କୁ ବିଜେଡି ରାଜ୍ୟସଭା ପଠାଇଥିବା ବେଳେ କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବ ବିଜେଡି ସମର୍ଥନରେ ସାଂସଦ ହୋଇଥିଲେ।