07-Mar-2024

ଭୁବନେଶ୍ବର,୭.୩.୨୪(ଭାପ୍ର):- ଆସନ୍ତା ୨୦୨୪ ଲୋକସଭା ଓ ବିଧାନସଭା ନିର୍ବାଚନ ପୂର୍ବରୁ ଏଆଇସିସି ଓଡିଶା ପ୍ରଭାରୀ ଡ଼ ଅଜୟ କୁମାର  ପୂର୍ବତନ ପିସିସି ସଭାପତି ପ୍ରସାଦ ହରିଚନ୍ଦନଙ୍କୁ ନୂଆ ଦାୟିତ୍ବ ଦେଇଛନ୍ତି | ଶ୍ରୀ ହରିଚନ୍ଦନଙ୍କୁ କଂଗ୍ରେସ ନିର୍ବାଚନ ପରିଚାଳନା ଆବାହକ ଭାବେ ନିଯୁକ୍ତି ପ୍ରଦାନ କରିଛନ୍ତି ଡ଼ କୁମାର । ଏଥି ସହିତ ଗଣମାଧ୍ୟମ ସହ ଉପଯୁକ୍ତ ଯୋଗାଯୋଗ, ସାମାଜିକ ଗଣମାଧ୍ୟମ,ୱାର ରୁମ୍, ପ୍ରଗମନ , ବ୍ଲକ ସ୍ତରୀୟ ପ୍ରତିନିଧି ୧ ଏବଂ ୨ ଓ ରାଜନୈତିକ କାର୍ଯ୍ୟକ୍ରମ କଥା ମଧ୍ୟ ସେ ତଦାରଖ କରିବେ ବୋଲି ଏକ ପ୍ରେସ ବିଜ୍ଞପ୍ତି ରେ ପ୍ରକାଶ କରିଛନ୍ତି।

ପ୍ରସାଦ ହରିଚନ୍ଦନ ୩ ଥର କଂଗ୍ରେସ ଟିକେଟରେ ବିଧାନସଭା କୁ ନିର୍ବାଚିତ ହୋଇଥିଲେ।ପୁରୀ ଜିଲ୍ଲା ସତ୍ୟବାଦୀ ବିଧାନସଭା ନିର୍ବାଚନ ମଣ୍ଡଳୀରୁ ୧୯୯୨,୨୦୦୦  ଓ ୨୦୦୯ ରେ ବିଧାୟକ ହୋଇଛନ୍ତି।ରାଜ୍ୟର ଗୁରୁତ୍ୱପୂର୍ଣ୍ଣ ଗୃହ ବିଭାଗର ମନ୍ତ୍ରୀ ମଧ୍ୟ ହୋଇଛନ୍ତି।

ସୂଚନାଯୋଗ୍ୟ ଶ୍ରୀ ହରିଚନ୍ଦନ ରାଜ୍ୟରେ ଗଠନ ହୋଇଥିବା ଇଣ୍ଡିଆ ମେଣ୍ଟ ଭୁକ୍ତ ଓଡ଼ିଶା ଶାଖାର ମଧ୍ୟ ଆବାହକ ରହିଛନ୍ତି।

ନୂତନ ଗୁରୁତ୍ୱପୂର୍ଣ୍ଣ ଦାଇତ୍ୱ ତାଙ୍କୁ ମିଳିଥିବାରୁ ବହୁ କଂଗ୍ରେସ ନେତୃବୃନ୍ଦ,ସମର୍ଥକ  ଏବଂ ଶୁଭେଛୁ ଶ୍ରୀ ହରିଚନ୍ଦନଙ୍କୁ ଶୁଭେଚ୍ଛା ଓ ଅଭିନନ୍ଦନ ଜଣାଇଛନ୍ତି।