07-Mar-2024

ଭୁବନେଶ୍ୱର,୭.୩.୨୪(ଭାପ୍ର):-  କେନ୍ଦ୍ରାପଡ଼ା ଜିଲ୍ଲାରେ କଂଗ୍ରେସ ତାର ସଂଗଠନକୁ ସୁଦୃଢ଼ କରିବାରେ ଲାଗିଛି । ଏହି କ୍ରମରେ ବିଜେଡ଼ିର ଯୁବ ନେତା ତଥା ଜିଲ୍ଲା ବିଜେଡ଼ି ଉପସଭାପତି, ସମିତି ସଭ୍ୟ ପ୍ରଶାନ୍ତ କୁମାର ରାଉତ ପିସିସି ସଭାପତି  ଶରତ ପଟ୍ଟନାୟକଙ୍କ ନେତୃତ୍ୱପ୍ରତି ଆକୃଷ୍ଟ ହୋଇ ତାଙ୍କ ଶତାଧିକ ସମର୍ଥକଙ୍କ ସହ କଂଗ୍ରେସରେ ବିଧିବଦ୍ଧ ଭାବରେ  ଯୋଗ ଦେଇଛନ୍ତି । ଶ୍ରୀ ରାଉତ ଜଣେ ଦୃଢ଼ ସଂଗଠକ ଭାବେ ରାଜନଗର ନିର୍ବାଚନ ମଣ୍ଡଳୀ ତଥା କେନ୍ଦ୍ରାପଡ଼ା ଜିଲ୍ଲାରେ ସୁପରିଚିତ । ତାଙ୍କର ଯୋଗଦାନ କଂଗ୍ରେସ ଦଳକୁ ସୁଦୃଢ଼ କରିବ ବୋଲି ପିସିସି ସଭାପତି ଶ୍ରୀ ଶରତ ପଟ୍ଟନାୟକ କହିଛନ୍ତି । କଂଗ୍ରେସରେ ଯୋଗଦାନ ପରେ ଶ୍ରୀ ରାଉତ କହିଛନ୍ତି ସେ କଂଗ୍ରେସ ଦଳର ନୀତି, ଆଦର୍ଶରେ ଅନୁପ୍ରାଣିତ ଓ ରାହୁଲ ଗାନ୍ଧୀଙ୍କ ଦୃଢ଼ ନେତୃତ୍ୱ ପ୍ରତି ଆସ୍ଥା ପ୍ରକଟ କରି କଂଗ୍ରେସ ଦଳରେ ଯୋଗଦେଇଛନ୍ତି । ଏହି କାର୍ଯ୍ୟକ୍ରମରେ କେନ୍ଦ୍ରାପଡ଼ା ସଂସଦୀୟ କ୍ଷେତ୍ରର ଯୁବ ସଂଗଠକ ତଥା କଂଗ୍ରେସ ନେତା ସିଦ୍ଧାର୍ଥ ସ୍ୱରୂପ ଦାସ ଉପସ୍ଥିତ ଥିଲେ ।