13-Mar-2024

ନିଆଳି,୧୩.୩.୨୪(ଭାପ୍ର):-କଣ୍ଟାପଡା ବ୍ଲକ୍ କଂଗ୍ରେସ ପକ୍ଷରୁ ଅଡଶପୁର ପଞ୍ଚାୟତ ବାରାହୀପୁର କୋଚିଲା ଗୋସାଇଁ ମନ୍ଦିରରୁ କଂଗ୍ରେସ କର୍ମୀ ଓ ନେତା ପୂଜାର୍ଚନା କରି ବଜାରରେ ଏକ ବିଶାଳ ପଦଯାତ୍ରା କରି ଜୟଦେବ ପୀଠ ପଡିଆରେ ପହଞ୍ଚି ଥିଲେ । ପଡିଆରେ ଏକ ପରିବର୍ତ୍ତନ ସମାବେଶ ଆୟୋଜନ କରାଯାଇଥିଲା। କଣ୍ଟାପଡା ବ୍ଲକ କଂଗ୍ରେସ ସଭାପତି ଭରତ ଚନ୍ଦ୍ର ବେହେରା ଏହି ସମାବେଶରେ ସଭାପତିତ୍ୱ କରିଥିବା ବେଳେ ସଭା ପରିଚାଳନା କରୁଥିଲେ ବାହନ କୁମାର ପରିଡା ।

ଉକ୍ତ ସମାବେଶରେ ପୂର୍ବତନ ଅର୍ଥରାଷ୍ଟ୍ର ମନ୍ତ୍ରୀ ପଞ୍ଚାନନ କାନୁନଗୋ, ପୂର୍ବତନ ବିଧାୟକ ରବୀନ୍ଦ୍ର କୁମାର ମଲିକ, କଂଗ୍ରେସ ସାଧାରଣ ସମ୍ପାଦକ ଶଶୀକାନ୍ତ ଲେଙ୍କା,ନିଆଳି କଂଗ୍ରେସ ଆଶାୟୀ ବିଧାୟକ ପାର୍ଥ ଇଂଜିନିଅର ଯୋତିରଞ୍ଜନ ମଲ୍ଲିକ ପ୍ରମୂଖ ମଞ୍ଚସିନ ଅତିଥି ଯୋଗ ଦେଇ ଆଗାମୀ ୨୦୨୪ ବିଧାନ ସଭା ନିର୍ବାଚନରେ ଉଭୟ ବିଜେଡି ଓ ବିଜେପିକୁ ପରାସ୍ତ କରି ନିଆଳୀରେ କିଭଳି ଭାବେ କଂଗ୍ରେସ ବିଧାୟକ ପଦ ଦଖଲ କରି ନିଜ ପୁରୁଣା ଗଡ଼ କୁ ବିଜେଡି ଠାରୁ ଛଡାଇ ଆଣିବ  ନିଜ ଅଭିଭାଷଣରେ କହିଥିଲେ।

କଟକ ଜିଲ୍ଲା କଂଗ୍ରେସ ମହିଳା ସଭାନେତ୍ରୀ ଅମୃତା ଦାସ, ନିଆଳି ବ୍ଲକ କଂଗ୍ରେସ ସଭାପତି ସୌଭାଗ୍ୟ ରଞ୍ଜନ ବସ୍ତିଆ, ନିଆଳି ମହିଳା କଂଗ୍ରେସ ସଭାନେତ୍ରୀ ମଧୁସ୍ମିତା ମହାପାତ୍ର, ଅଡଶପୁର କଂଗ୍ରେସ ନେତା ପ୍ରାଦୁମ୍ନ ଖଟୋଇ ଏହି ପରିବର୍ତ୍ତନ ସମାବେଶରେ ଉପସ୍ଥିତଥିଲେ। ଏହି ଅବସରରେ ବିଭିନ୍ନ ଦଳର କର୍ମୀମାନେ ନିଜ ନିଜ ଦଳ ଛାଡି କଂଗ୍ରେସ ଦଳରେ ଯୋଗ ଦେଇଥିଲେ। ଉରାଡ଼ ପଞ୍ଚାୟତ ବିଜେଡି ନେତା ଶ୍ରୀମତ ମହାପାତ୍ର କଂଗ୍ରେସରେ ଯୋଗ ଦେଇଥିଲେ । ବରିଷ୍ଠ ଆଇନଜୀବୀ ତଥା ପୂର୍ବତନ ସରପଞ୍ଚ ବଦ୍ରି ପ୍ରସାଦ ମିଶ୍ରଙ୍କୁ ମଞ୍ଚରେ ପୂର୍ବତନ ବିଧାୟକ ରବୀନ୍ଦ୍ର କୁମାର ମଲ୍ଲିକ ସମ୍ମାନିତ କରିଥିଲେ।

ରିପୋର୍ଟ-ଆଦେଶ ବସ୍ତିଆ