ଅର୍ଣ୍ଣବ ବାତ୍ୟା ଓ ପରିବର୍ତ୍ତି ଅତିବୃଷ୍ଟି ସମସ୍ୟାର ସମାଧାନରେ ରାଜ୍ୟ ସରକାର ବିଫଳ: କଂଗ୍ରେସ

ଭୁବନେଶ୍ୱର, ୩୦/୧୦ (ଭାରତ ପ୍ରସାରଣ) : ଆଜି କଂଗ୍ରେସ ଭବନ ଠାରେ ପ୍ରଦେଶ କଂଗ୍ରେସ କମିଟି ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ ପୂର୍ବତନ ମନ୍ତ୍ରୀ ପଞ୍ଚାନନ କାନୁନ୍‌ଗୋ କହିଲେ ରାଜ୍ୟରେ ଅକ୍ଟୋବର ୨୭ ତାରିଖରେ ଏକ ବାତ୍ୟା ବିପତି ଆସଙ୍କା ଥିବା କଥା ପୂର୍ବରୁ ପାଣିପାଗ ବିଭାଗ ସୂନା ଦେଇଥିଲେ ଏବଂ ଏଥିରେ କୁହାଯାଇଥିଲା ଯେ ବାତ୍ୟାର ଅବପାତ ଆନ୍ଧ୍ରରେ ଘଟିଲେ ମଧ୍ୟ ଓଡ଼ିଶାର ଦକ୍ଷିଣାଞ୍ଚଳ ଅତି ପ୍ରବଳ ବର୍ଷା ହେବାର ବହୁ ସମ୍ଭାବନା ଅଛି ।

ରାଜ୍ୟ ସରକାର ବହୁ ପୂର୍ବରୁ ଏହା ଜାଣିଥିଲେ ଏବଂ ରାଜ୍ୟରେ ବାତ୍ୟାଜନିତ ସୁନ ମୃତ୍ୟୁ ହେବାର ଘୋଷଣା ବାରମ୍ବାର କହି ଚାଲିଥିଲେ । କିନ୍ତୁ ପରିତାପର ବିଷୟ ଅତିବୃଷ୍ଟି ଜନିତ କ୍ଷୟକ୍ଷତି ଉପରେ ଆନ୍ତରିକତା ସହିତ କୌଣସି ଚିନ୍ତା କରିନଥିଲେ । ଏହି ଅଦୁରଦର୍ଶିତା ପାଇଁ ଓଡ଼ିଶାର ଏକ ବିରାଟ ଅଞ୍ଚଳ ଅନେକ କ୍ଷୟକ୍ଷତିର ସାମ୍ମା କରିବାକୁ ପଡିଲା । ବିଶେଷତ ଗଞ୍ଜାମ ଓ ଗଜପତି ଜିଲ୍ଲାରେ ଅତି ବୃଷ୍ଟିଜନିତ କ୍ଷୟକ୍ଷତି ଅତିମାତ୍ରାରେ ଘଟିବାର ଦେଖାଦେଲା । ଚାଷ ଉପରେ ଗୁରୁତ୍ୱ ଦେଇଥିବା ଏହି ଅଂଚଳର କେବଳ ଧାନଫସଲ ନଷ୍ଟ ହୋଇନାହିଁ । ଅଧିକନ୍ତୁ ଚାଷିମାନେ କରିଥିବା ପନିପରିବା ଚାଷ ନଷ୍ଟ ହୋଇଯାଇଛି । ଏଥିସହି ପାନ ଚାଷ ମଧ୍ୟ କ୍ଷୟକ୍ଷତି ହୋଇଛି 

କଂଗ୍ରେସ ଦଳର ଅନ୍ୟତମ ମୁଖପାତ୍ର ଅଭିଶେକ ମହାନନ୍ଦ କହିଥିଲେ ଯେ ଏ ସମସ୍ତ ଅବବ୍ୟବସ୍ତା ପାଇଁ ସରକାର ମୁଖ୍ୟତ ଦାୟି ଏବଂ ଗଞ୍ଜାମ ଓ ଗଜପତି ଜିଲ୍ଲାରେ ବୃଷ୍ଟିଜନିତ କ୍ଷୟକ୍ଷତି ସଂପୂର୍ଣ୍ଣ ଭାବରେ ମନୁଷ୍ୟକୃତ । ଏଥିପାଇଁ ଦାୟି ସମସ୍ତ କର୍ମଚାରୀଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଦାବୀ କରିଥିଲେ । ପ୍ରଦେଶ କଂଗ୍ରେସ ସଭାପତି ଶ୍ରୀ ଭକ୍ତ ଚରଣ ଦାସଙ୍କ ନିର୍ଦ୍ଦେଶକ୍ରମେ ଏକ ଅନୁସନ୍ଧାନ ଦଳ ଗଞ୍ଜାମ ଓ ଗଜପତି ପ୍ରଭୃତି କ୍ଷୟକ୍ଷତି ଜିଲ୍ଲାକୁ ଖୁବ୍ ଶୀଘ୍ର ଗସ୍ତକରି କ୍ଷୟକ୍ଷତିର ଆକଳନ କରି ପ୍ରଦେଶ କଂଗ୍ରେସ କମିଟିକୁ ରିର୍ପୋଟ ପ୍ରଦାନ କରିବେ ।