ଭୁବନେଶ୍ବର, ୨/୧୧(ଭାରତ ପ୍ରସାରଣ): ଭାରତର ପ୍ରଖ୍ୟାତ ଡାକ୍ତର ପଦ୍ମଶ୍ରୀ ଅଶୋକ ମହାପାତ୍ରଙ୍କ ବିୟୋଗରେ ଗଭୀର ଶୋକ ପ୍ରକାଶ କରିଛନ୍ତି ପୂର୍ବତନ ପିସିସି ସଭାପତି ନିରଞ୍ଜନ ପଟ୍ଟନାୟକ। ସେ ତାଙ୍କ ଶୋକ ବାର୍ତ୍ତାରେ କହିଛନ୍ତି କି ସ୍ୱର୍ଗତ ମହାପାତ୍ର ବାବୁଙ୍କ ବିୟୋଗ ଖବର ତାଙ୍କୁ ଗଭୀର ଦୁଃଖ ଦେବା ସହ ମର୍ମାହିତ କରିଛି।
ଡାକ୍ତର ମହାପାତ୍ର କିଛି ଦିନ ଧରି ଅସୁସ୍ଥ ହୋଇ ଦିଲ୍ଲୀ ଚିକିତ୍ସିତ ହେଉଥିବା ବେଳେ ଆଜି ୭୪ ବୟସରେ ପରଲୋକ ଗମନ କରିଛନ୍ତି। ସେହି ଏମ୍ସ ଡାକ୍ତରଖାନାର ସେ ମୁଖ୍ୟ ଭାବେ କାର୍ଯ୍ୟ କରିଥିଲେ। ସେଠାରେ ସେ ବହୁ ଚର୍ଚ୍ଚିତ ଜଗାବଳିଆ ଯୋଡା ମୁଣ୍ଡକୁ ଅପରେସନ କରି ଅଲଗା କରି ଦେଶର ଜଣେ ବିଶିଷ୍ଟ ନ୍ୟୁରୋସର୍ଜନ ତଥା ଚିକିତ୍ସା ବିଜ୍ଞାନ ଜଗତର ଅଗ୍ରଣୀ ବ୍ୟକ୍ତିତ୍ୱ ଭାବରେ ସେ ସ୍ୱାସ୍ଥ୍ୟସେବା କ୍ଷେତ୍ରରେ ଓଡ଼ିଶା ତଥା ସମଗ୍ର ଦେଶ ପାଇଁ ଗୌରବ ଆଣିଦେଇଥିଲେ।
ଯାହା ବିଶ୍ବ ସ୍ଵାସ୍ଥ୍ୟ ଜଗତରେ ଏକ ବିରଳ ଇତିହାସ ସୃଷ୍ଟି କରିଥିଲା। ଚିକିତ୍ସା ସେବା ଓ ଗବେଷଣା କ୍ଷେତ୍ରରେ ତାଙ୍କର ଉଲ୍ଲେଖନୀୟ ଅବଦାନ ଅତୁଳନୀୟ।
ପରବର୍ତ୍ତୀ ସମୟରେ ଭୁବନେଶ୍ବର ଏମ୍ସ ର ପ୍ରଥମ ସୁପରିଟେଣ୍ଡଣ୍ଟ ଭାବେ ନିଯୁକ୍ତି ପାଇଥିଲୋ ତାଙ୍କ ସମୟରେ ଭୁବନେଶ୍ବରରେ ଏମ୍ସ ପ୍ରତିଷ୍ଠା ହୋଇଥିଲା। ସେଠାରୁ ଅବସର ନେବା ପରେ ସେ ସମ ହସପିଟାଲ ନିର୍ଦ୍ଦେଷକ ଭାବେ କାର୍ଯ୍ୟ କରୁଥିଲୋ
ଏହି ଦୁଃଖଦ ମୁହୂର୍ତ୍ତରେ ଶୋକସନ୍ତପ୍ତ ପରିବାରବର୍ଗଙ୍କୁ ଗଭୀର ସମବେଦନା ଜଣାଇବା ସହ ଦିବଙ୍ଗତ ଆତ୍ମାଙ୍କ ସଦ୍ଗତି ପାଇଁ ମହାପ୍ରଭୁ ଜଗନ୍ନାଥଙ୍କ ନିକଟରେ କାମନା କରିଛନ୍ତି ଶ୍ରୀଯୁକ୍ତ ପଟ୍ଟନାୟକ।
